bahubali boxoffice

బాహుబలికి బాక్సాఫీస్‌ దాసోహం

బాహుబలి మొదటి భాగమే ఇండియన్‌ సినిమా హిస్టరీలో రికార్డ్‌ సృష్టించింది. అన్ని భాషల్లోను కలిపి ఇండియాలో అత్యధిక వసూళ్లు సాధించిన చిత్రంగా చరిత్ర సృష్టించింది. అయితే బాలీవుడ్‌ మీడియా దీనిని తెలివిగా విస్మరించింది. దంగల్‌, పీకే చిత్రాల గురించి తప్ప బాహుబలి ఇండియన్‌ బాక్సాఫీస్‌ వద్ద వసూలు చేసిన అంకెలని పరిగణనలోకి తీసుకోలేదు. అయితే అప్పుడు ఒప్పుకున్నా ఒప్పుకోకపోయినా ఈసారి మాత్రం ఎవరైనా తలవంచక తప్పదు.

దంగల్‌ లేదు, పీకే లేదు... బాహుబలి 2 తర్వాత ఇక ఇండియాలో ఏ రికార్డు మిగలదు. ఈ చిత్రం హిందీ వెర్షన్‌కి నాన్‌ హాలిడే రోజుకి జరుగుతోన్న బుకింగ్స్‌ చూసి బాలీవుడ్‌ మీడియా విస్తుపోతోంది. ఖాన్‌లు కాకుండా మరే హీరో వల్ల కాని దానిని ఒక తెలుగు అనువాద చిత్రం వచ్చి బాక్సాఫీస్‌ని కుదిపేస్తోంది. 

డిమాండ్‌ అధికంగా వుండడంతో హిందీ చిత్రాల షోలు తగ్గించి, బాహుబలికి షోస్‌ పెంచుతున్నారు. కేవలం తెలుగు రాష్ట్రాల్లోనే కాకుండా దేశవ్యాప్తంగా టికెట్ల కోసం డిమాండ్‌ తీవ్రంగా వుంది. ఎలాగైనా తొలి రోజు చూడాలనే ఆరాటం ఎక్కువవుతోంది. దీంతో ప్రీమియమ్‌ రేట్లకి టికెట్లు విక్రయిస్తూ, ఫుడ్‌ కాంబోలు అవీ అంటూ జనాన్ని ఎగ్జిబిటర్లు దోచుకుంటున్నారు. 

subscribe my channel 

victory

https://www.youtube.com/channel/UCUJh7V52HcxzD4thwolb6hg

మొదటి రోజు ఇండియాలో వంద కోట్ల నెట్‌ వసూళ్లు సాధించే మొదటి చిత్రంగా బాహుబలి రికార్డుకెక్కడం ఖాయమని బాలీవుడ్‌ బాక్సాఫీస్‌ వెబ్‌సైట్లే అంటున్నాయంటే పరిస్థితి ఎలాగుందనేది అర్థం చేసుకోవచ్చు.